Kiraŭnik Słužby biaśpieki Ukrainy Vasil Hrycak naŭprost źviarnuŭsia da kiraŭnika FSB Alaksandra Bortnikava padčas intervju ŭkrainskamu telekanału «Priamij» 3 vieraśnia.
«Alaksandr Vasiljevič, ja da vas źviartajusia jak aficer da aficera. Navat va ŭmovach vajny jość praviły, jakija nielha parušać supracoŭnikam śpiecyjalnych słužbaŭ. Vy pierajšli ŭsie mahčymyja rysy, jakija tolki možna było pierajści. I vy, i ja viedajem, što da arhanizacyi teraktaŭ na terytoryi Ukrainy (i ŭ Adesie, i ŭ Charkavie, i ŭ Chiersonie i ŭ inšych haradach) datyčnyja rabotniki śpiecsłužbaŭ. Zahinuli dziasiatki ludziej, šmat ludziej paraniena.
Ale ŭ hety raz vy pierajšli čyrvonuju rysu. Vy byli hatovyja padarvać u siabie svaich, ruskich hramadzian dla taho, kab destabilizavać situacyju ŭ Rasii i dać padstavy dla ŭvarvańnia na terytoryju Ukrainy, dla pačatku poŭnamaštabnaj kampanii. Vy da kanca addajecie ŭśviedamlajecie toje, da jakich hieapalityčnych nastupstvaŭ mahli pryvieści hetyja dziejańni? Vy ŭśviedamlajecie, što za hetyja rečy pryjdziecca adkazvać? Vy razumiejecie, što siońniašniaja palityčnaja ŭłada, u tym liku i Pucin, nie viečnaja? Vy razumiejecie, kolki praklonaŭ atrymajuć vašyja dzieci? I ŭ vašych siłach usio heta spynić. Spyniciesia», — zajaviŭ Vasil Hrycak.