Struktury staršyni naziralnaj rady Silvano Fashion Group (adzin z bujnych aktyvaŭ — fabryka «Miłavica») Tomasa Tooła atrymali kantrolnuju dolu ŭ hrupie kampanij «Anieha». Pra heta TUT.BY raspaviali try nie źviazanyja adna z adnoj krynicy.
«Tak, Tomas [Tooł] letam nabyŭ dolu ŭ «Aniehi». Navošta jamu hety aktyŭ ja nie viedaju», - skazaŭ były padnačaleny estonskaha biznesmena.
Pa słovach inšaha surazmoŭcy, u zasnavalnika «Aniehi» Siarhieja Mieta paŭstali finansavyja prablemy «paśla zapusku novaha zavoda ŭ Kałodziščach». U mahutnaści pa vytvorčaści čypsaŭ i snek było inviestavana bolš za 15 młn dalaraŭ. «Jon nie da kanca praličyŭ biznes-płan, a tut adzin kryzis za inšym, valutnyja skoki … A bank, jaki, hruba kažučy, spansavaŭ budoŭlu, nastojliva patrabavaŭ pahašeńnia kredytu. Mieta staŭ šukać inviestara. Tak paŭstaŭ varyjant z Toołam», - adznačyŭ surazmoŭca. «Pieramovy byli zaciažnyja, ale ŭ vyniku Mieta sastupiŭ», - dadaŭ jon.
Siarhiej Mieta siońnia nie byŭ dastupny dla kamientaroŭ. Paŭtara miesiaca tamu jon nie paćvierdziŭ, što sastupiŭ dolu ŭ kampanii Toołu.
Cuma ŭhody «była čysta simvaličnaj, hałoŭnaje [Mieta] było raźličycca z bankam».
Pa słovach znajomaha zasnavalnika «Aniehi», toj pakul niezadavoleny prychodam novaha inviestara. «Siarhiej spadziavaŭsia, što kampanija budzie prainviestavana, adnak Tomas zaniaŭsia pierafarmatavańniem biznesu, zvalnieńniem piersanału i hetak dalej», - raspavioŭ infarmavany surazmoŭca.
Tomas Tooł ŭžo abzavioŭsia ofisam u Kałodziščach. Adnak zaśpieć jaho tam nie ŭdałosia. U kampanii «Anieha» nie zmahli dać apieratyŭny kamientar.
Adzin z pastaŭščykoŭ «Aniehi» raspavioŭ, što niahledziačy na prychod novaha inviestara raźliki z kontrahientami nie adnavilisia. Bolš za toje, niekatorym skazali pačakać da lepšych časoŭ, kali pradpryjemstva zapracuje ŭ narmalnym režymie. «Zakryvać daŭhi pierad pastaŭščykami novy saŭładalnik «Aniehi» pakul vidavočna nie płanuje», - reziumavła krynica.
