Kiraŭnik BATE Anatol Kapski prakamientavaŭ infarmacyju pra mierkavany pierachod u kamandu Alaksandra Hleba. Futbalist byŭ hatovy hulać zabiaspłatna, aby kab vyjści na pole ŭ matčy z «Arsienałam».
«U viartańni Hleba ŭ BATE zaŭsiody vyrašalnuju rolu adyhryvała majo mierkavańnie, jakoje i ŭ papiarednija hady mahło adroźnivacca ad mierkavańniaŭ maich kalehaŭ … Uličvajučy, nakolki ja sioleta vypadaŭ z pracesaŭ, źviazanych z kłubam, na moj pohlad, było b niekarektna i nie pa-tavarysku praciskać rašeńnie ab čarhovym viartańni Hleba.
Dla našych amataraŭ futboła klučavymi słovami ŭ intervju Alaksandra stała toje, što jon hatovy hulać za BATE biaspłatna. Ale takoha nikoli nie było i nie było b u hety raz. Heta była emacyjnaja zajava, ale ŭ nas pracujuć prafiesijanały. Dy i Alaksandr sa svaimi ahientami zaŭsiody padpisvaŭ kantrakt, vybivajučy maksimalnyja rynkavyja ŭmovy.
Tamu reakcyja natoŭpu («na chalavu nie ŭziali») — nie pra nas. U Hleba bahataja karjera, i nižej za Sašavu hodnaść iści na niejkija sastupki dziela pryhožaha jaje zaviaršeńnia. Dy i dla nas zaprašać futbalista biaspłatna — nieprymalna. BATE — prafiesijny kłub, a nie amatarski, tamu padobnyja «śpiecprapanovy» nie dla nas.
Ciapierašni siezon nam dajecca vielmi ciažka. Uličvajučy abstaviny, sprabujem zrabić jaho maksimalna paśpiachovym sa spartyŭnaha punktu hledžańnia, a nie z punktu hledžańnia pijaru. Tamu ź pierachodam Hleba nie skłałasia».
