U subotu ranicaj na praśpiekcie Dziaržynskaha ŭ Minsku aŭtamabil «Micubisi Łanser», uciakajučy ad pieraśledu rabotnikaŭ DAI, urezaŭsia ŭ aśviatlalnuju mačtu, u vyniku 27-hadovy kiroŭca zahinuŭ.
fota z fejsbuka Julii Hančarovaj
Jak paviedamiła ŭ svaim fejsbuku aficyjny pradstaŭnik SK Julija Hančarova, jość źviestki, što zdareńniu papiaredničaŭ šerah prajezdaŭ aŭtamabila na zabaranialnyja sihnały śviatłaforaŭ, a taksama niepadparadkavańnie patrabavańniam supracoŭnikaŭ milicyi na słužbovym aŭtamabili.
Akramia taho, kali «Micubisi» spyniŭsia na skryžavańni pierad rejsavym aŭtobusam, da jaho padyšoŭ supracoŭnik milicyi ŭ formie z patrabavańniem spynicca, ale kiroŭca zabłakavaŭ dźviery znutry, na prośby nie reahavaŭ, i paśla prajezdu aŭtobusa praciahnuŭ ruch z rezkim paskareńniem pa pr. Dziaržynskaha, ździejśniŭšy najezd na milicyjanta adnym z kołaŭ aŭtamabila.
Ekipaž milicejskaj mašyny i kiroŭcy aŭto, što spynilisia ŭ pieršyja chviliny paśla ŭzharańnia, sprabavali patušyć ahoń i zatrymać kiroŭcu, ale ažyćciavić heta pa abjektyŭnych pryčynach nie ŭdałosia. Ahoń byŭ patušany supracoŭnikami MNS.
Jość taksama źviestki, što za niekatory čas da DTZ u «102» pastupiŭ zvanok ad minčuka ab nieadekvatnych pavodzinach kiroŭcy «Micubisi» na vuł. Ramanaŭskaja Słabada, što, mahčyma, kiroŭca byŭ niećviarozy. Śledstvam atrymany vyniki daśledavańnia kryvi kiroŭcy — 2,3 pramile ałkaholu.
Pravierka praciahvajecca.
