© RIA «Novosti» / Alaksiej Nikolski
Hrupa navukoŭcaŭ na čale z Kerydvien Frejzier prybyła na vostraŭ Rosa, adzin z samych paŭdniovych na płaniecie, na terytoryi jakoha znachodzicca dziejny vułkan Erebus. Tam jany vyvučali «šyrokija i źviazanyja adno z adnym» padlednikovyja piačornyja sistemy, jakija byli ŭtvoranyja pad uździejańniem vułkaničnaje pary.
Uziaŭšy proby z roznych piačor, navukoŭcy vyjavili ślady mochu, bahavińnia, kruhłych čarviakoŭ i členistanohich, pryčym niekatoryja ŭzory DNK mohuć naležać «novym vidam žyvioł i raślin». Ślady vyjaŭlenyja jak na pavierchni, tak i na padlodnych učastkach.
Pa słovach Frejziera, vyniki daśledavańniaŭ adkryvajuć «spakuślivy pohlad» na toje, što adbyvajecca pad ildami Antarktydy. Jana tłumačyć, što ŭ hieatermalnych piačorach vielmi dobryja ŭmovy dla žyćcia.
«U hetych piačorach moža być pa-sapraŭdnamu ciopła, u niekatorych ź ich tempieratura moža dasiahać 25 hradusaŭ. Vy možacie chadzić tam u futbołcy, i vam budzie kamfortna», — adznačaje Frejzier.
Jak adznačaje jaje kaleha doktar Łory Kanieli z Univiersiteta Mena, kali navukoŭcam udasca znajści sami arhanizmy, a nie tolki ich ślady, heta pryadčynić dźviery ŭ «novy śviet».
«My pakul nie viedajem, kolki piačornych sistem skancentravana vakoł vułkanaŭ Antarktydy abo nakolki hetyja padlednikovyja asiarodździ źviazanyja adno z adnym. Ich sapraŭdy składana vyjavić, da ich składana dabracca, ich składana vyvučyć», — adznačyŭ jašče adzin daśledčyk, Čarlz Li z Univiersiteta Vajkata.
Pa apošnich dadzienych, na terytoryi Antarktydy znachodzicca nie mienš za 138 padlodnych vułkanaŭ.
