Dyrektar respublikanskaha kaardynacyjna-mietadyčnaha centra raźvićcia moŭ, doktar fiłałahičnych navuk Jerboł Tlešaŭ pradstaviŭ novy varyjant kazachskaha ałfavitu, paviedamlaje Tengrinews.kz.
Adzin z udzielnikaŭ rabočaj hrupy pa pierachodzie na łacinku pradstaviŭ varyjant novaha ałfavitu na parłamienckich słuchańniach u mažylisie.
«Pryniaćcie novaha piśma zusim nie aznačaje źmienu adnych znakaŭ inšymi. Heta vypraŭleńnie niedachopaŭ, jakija tyčacca pravapisu, dapuščanych u papiarednich varyjantach ałfavitu. U suviazi z hetym, na naš pohlad, sa stvareńniem ałfavitu i jaho ukaranieńniem taksama nieabchodna pryniaćcie novych praviłaŭ arfahrafii. U prapanavanym varyjancie ŭziatyja tolki spradviečnyja znaki łacinskaha ałfavitu», - adznačyŭ fiłołah.
U novym varyjancie — 25 litar.
Pra pierachod na łacinku z 2025 hoda prezident Kazachstana Nursułtan Nazarbajeŭ kazaŭ u svaim pasłańni narodu krainy jašče ŭ 2012 hodzie. A ŭviesnu kiraŭnik dziaržavy daručyŭ da kanca hoda z dapamohaj navukoŭcaŭ i šyrokaj hramadskaści pryniać adziny standartny varyjant kazachskaha ałfavitu ŭ novaj hraficy.
Upieršyniu łacinskaja hrafika dla kazachskaj movy (dahetul užyvałasia arabska-piersidskaja) była ŭviedzienaja ŭ 1928 hodzie i ŭžyvałasia da 1940 hoda. Zatym była ŭviedziena kirylica.
