Šaściora hramadzian Biełarusi źbili rasijskich palicejskich, adnak byli zatrymanyja. Pra heta paviedamlaje Ahienctva haradskich navin «Maskva».
Adzin z rabotnikaŭ hatela vyklikaŭ palicyju na biełarusa-debašyra.
«Na miesca prybyli dvoje supracoŭnikaŭ palicyi, jakija zaklikali hramadzianina nie parušać paradak. U adkaz mužčyna niecenzurna abłajaŭ pravaachoŭnikaŭ, i tyja pryniali rašeńnie zatrymać chulihana. Ale mužčyna pačaŭ akazvać supraciŭ i klikać na dapamohu, i tady z pakoja haścinicy vyjšli niekalki hramadzian, jakija pačali bić i adšturchoŭvać supracoŭnikaŭ palicyi», — paviedamiła pres-słužba HU MUS pa Maskvie.
Palicyjantam udałosia zatrymać dvaich padazravanych. Astatnija raźbiehlisia, adnak nieŭzabavie na terytoryi hatela ŭsio ž byli zatrymanyja. Usie padazravanyja akazalisia pryjezdžymi ź Biełarusi.
U vyniku šaściora mužčyn va ŭzroście ad 26 hadoŭ da 31 hoda byli dastaŭleny ŭ milicyju, na ich składzieny administracyjnyja materyjały za drobnaje chulihanstva.
Za napad na palicejskich im pahražaje da 5 hadoŭ pazbaŭleńnia voli.
