Urahan «Irma» nakryŭ amierykanski štat Fłaryda. Raniej u im była abvieščanaja evakuacyja, ale nie ŭsie zmahli svoječasova pakinuć zonu stychijnaha biedstva. Siarod ich akazaŭsia adzin z uładalnikaŭ aŭtamabila Tesla, jaki źviarnuŭsia ŭ kampaniju i raspavioŭ, što nie zmoh dabracca da zony evakuacyi.

Paśla hetaha zvarotu ŭ Tesla vypuścili patč (nievialikaje časovaje źmianieńnie ŭ prahramnym zabieśpiačeńni), jaki zdymaje abmiežavańnie błakavańnia akumulatara — heta dazvoliła aŭtamabilam Tesla Model X60D i Model S60 prajechać na adnym zaradzie na 60 kiłamietraŭ bolš.

Kiroŭca, jaki źviarnuŭsia ŭ Tesla, raspavioŭ, što nie zmoh dabracca da biaśpiečnaj zony i staŭ za 60 kiłamietraŭ ad jaje. Pa słovach uładalnika aŭtamabila, dajechać tudy na adnym zaradzie akumulatara ŭ jaho nie atrymałasia. U Tesla vielmi chutka adreahavali na zvarot i vypuścili časovuju «łatku» prahramnaha zabieśpiačeńnia, jakaja zdymaje błakavańnie batarej pry 20-pracentnym zaradzie. Heta dazvoliła pavialičyć dalokaść pajezdak na ŭsich bazavych madelach Tesla. Časovaje abnaŭleńnie raspaŭsiudžvajecca na ŭsie aŭtamabili kampanii, jakija znachodziacca ŭ zonie stychijnaha biedstva.

Dziakujučy patču, uładalniki Model X60D i Model S60 zmohuć vykarystoŭvać uvieś abjom batarej da 16 vieraśnia, paśla čaho mahutnaść akumulataraŭ znoŭ abmiažujuć, viarnuŭšy jaje da zavodskich značeńniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?