Na telekanale ANT vyjšaŭ pieršy vypusk tok-šou «Naša žyćcio». Jon byŭ pryśviečany teraryzmu, bo tranślavaŭsia ŭ hadavinu teraktu ŭ Ńju-Jorku.

Prahrama źjaviłasia na miescy «Spravy pryncypu» na čale z Vadzimam Hihinym. Adznačym, što jaje viadučym staŭ Dźmitryj Bačkoŭ, jaki syšoŭ z «Biełaruś-1» i tamtejšaha tok-šou «Forum».

Letaś «Naša Niva» skłała top-25 samych častych haściej biełaruskich tok-šou. Pryčym kali ŭ prahramie Hihina na ANT ŭdzielniki bolš-mienš čarhavalisia, to ŭ Bačkova na «Biełaruś-1» tydzień za tydniem zasiadali adnyja i tyja ž ekśpierty.

Hetych śpiecyjalistaŭ šyrokaha profilu jon zabraŭ z saboj i na ANT. Jak zaŭždy, hledačam zastałosia słuchać mierkavańni deputata Dźmitryja Šaŭcova (№1 letašniaha rejtynhu), palitołaha Vadzima Baravika (№2), kamunista Hieorhija Atamanava (№4), prarektara MITSO Alaksandra Płaščynskaha (№9), šoumena-rusafiła Uładzimira Jeranasiana (№11), kiraŭnika «Havary praŭdu» Andreja Dźmitryjeva (№12).

Dźmitryjeŭ pry hetym zastaŭsia ŭ efiry adzinym pradstaŭnikom niezaležnaha hramadstva.

Stvaralniki «Našaha žyćcia» imitavali žyvy efir. Viadučy Tenhiz Dumbadze nibyta źjaŭlaŭsia z žyvym uklučeńniem ź Ńju-Jorka, dzie adbyvajucca žałobnyja mierapryjemstvy da hadaviny trahiedyi. U realnaści prahrama zapisvałasia niekalki dzion tamu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?