«8 vieraśnia ŭ druhoj pałovie dnia miascovy fiermier Andrys zaŭvažyŭ niezvyčajnaha hościa, jaki, vidavočna, zajšoŭ ź Biełarusi i pasprabavaŭ paznajomicca z karovami, jakija naležać fiermieru», — paviedamiła partału Delfi žycharka Bierzińskaj vołaści Łatvii Ałda Mizanie.

delfi.lv

Ałda raspaviała, što niezvyčajny hość paśla sproby paznajomicca z karovami pajeŭ jabłykaŭ u najbližejšym jabłyčnym sadzie. Pa słovach Ałdy, u Bierzińskaj vołaści takoha daŭno nie zdarałasia. Źjaŭleńnie zubra vyklikała vialiki intares miascovych žycharoŭ i palaŭničych, jakija byli hatovyja na ryzyku, kab sfatahrafavacca sa źvieram. Zubr hulaŭ u Bierzińskaj vołaści da poźniaj nočy, ranicaj žychary jaho ŭžo nie bačyli. Paźniej žychary susiedniaj vołaści paviedamili ab tym, što tam zaŭvažyli zubra.

«Andrys śćviardžaje, što zubr — heta samiec, jaho ŭzrost-prykładna dva hady. Chutčej za ŭsio, jon pryjšoŭ ź Biełarusi, tamu što viasnoj fiermiery inšaj vołaści bačyli adnaho zubra, jaki hulaŭ la miežy», — patłumačyła Ałda. Pa jaje słovach, zubr nie nanios nijakaj škody. Ad ludziej jon nie ŭciakaŭ, ale i da siabie ich nie padpuskaŭ.

Клас
Панылы сорам
Ха-ха
Ого
Сумна
Абуральна