Z paniadziełka ŭ Polščy dla padarožža ź pierasadkaj dziejničaje adziny čyhunačny kvitok — pakul što ŭ ramkach piłotnaj prahramy. U joj biaruć udzieł try pieravozčyki: PKP Intercity, Przewozy Regionalne i Trójmiejska SKM, paviedamlaje Radyjo Polšča.
Adziny kvitok aznačaje, što pasažyr zmoža nabyć adzin prajazny dakumient na ŭsiu pajezdku, pry hetym nie budzie mieć značeńnia, jaki pieravozčyk absłuhoŭvaje dadzieny ŭčastak maršrutu. Staršynia Polskaj dziaržaŭnaj čyhunačnaj kampanii (PKP) Kšyštaf Mamiński zapeŭniŭ, što kasir prapanuje najlepšy varyjant pajezdki, z punktu hledžańnia jak jaje praciahłaści, tak i cany kvitka.
Jon dadaŭ, što ŭ budučyni da prajekta mohuć dałučycca inšyja pieravozčyki. Havorka idzie, pierš za ŭsio, pra takich rehijanalnych pieravozčykaŭ, jak Koleje Mazowieckie abo Koleje Wielkopolskie.
Adziny kvitok možna nabyć tolki ŭ čyhunačnych kasach. Pakul jon nie pradajecca anłajn.
