AFP
Na «Alei kiraŭnikoŭ» u Maskvie źjaviacca pomniki ludziam, što kiravali Rasijaj i SSSR u XX stahodździ, u tym liku Uładzimiru Leninu i Iosifu Stalinu. Pra heta, jak paviedamlaje RBK, zajaviŭ vykanaŭčy dyrektar Rasijskaha vajenna-histaryčnaha tavarystva (RVHT) Uładzisłaŭ Konanaŭ.
Pavodle jaho słoŭ, usiaho na alei dadaducca vosiem novych biustaŭ: Leninu, Stalinu, Chruščovu, Brežnievu, Andropavu, Čarnienku, Harbačovu i Jelcynu. Ich pastaviać 22 vieraśnia. U cyrymonii adkryćcia voźmuć udzieł ministr kultury Uładzimir Miadzinski, udava pieršaha prezidenta Rasii Naina Jelcyna i aŭtar pomnikaŭ Zurab Cereteli.
Navukovy dyrektar RVHT Michaił Miahkoŭ rastłumačyŭ, što biusty kiraŭnikoŭ buduć u pieršuju čarhu vykonvać aśvietnickuju funkcyju. «Zadača hetaj alei — nieści adukacyjnuju funkcyju. Tut možna pravodzić adkrytyja ŭroki. Školniki, kadeckija kłasy buduć prychodzić siudy i daznavacca pra niejkuju asobu niešta novaje», — skazaŭ jon.
life.ru
«Aleja kiraŭnikoŭ» była adkryta 2016 hoda ŭ Pietravieryhskim zavułku ŭ centry Maskvy. Pavodle zadumy prajekta na alei pavinny być raźmieščanyja pomniki ŭsim kiraŭnikam krainy. Ciapier tam ustanoŭleny biusty 33 dziaržaŭnych dziejačaŭ — ad staražytnaruskaha kniazia i pačynalnika dynastyi Rurykavičaŭ da kiraŭnika Časovaha ŭrada Alaksandra Kieranskaha.
Čytajcie taksama:
U centry Maskvy pastavili pomnik caru Ivanu Žachlivamu
