U Maskvie z doma, dzie žyŭ zabity apazicyjny palityk Barys Niamcoŭ, źniali miemaryjalnuju šyldu ŭ jaho pamiać. Pra heta paviedamiła na staroncy ŭ Facebook Taćciana Cichanovič, jakaja pryjšła tudy, kab uskłaści kvietki, piša «Svaboda».
facebook.com/serguei.parkhomenko
Tabličku demantavali čalcy prakramloŭskaj radykalnaj hrupoŭki SERB. Pra heta napisaŭ na staroncy va «Ukantakcie» lidar ruchu Hoša Tarasievič (jon ža Ihar Biekietaŭ). Pa jaho słovach, aktyvisty SERB taksama napisali zajavu ŭ palicyju z patrabavańniem pryciahnuć da adkaznaści asob, jakija niezakonna ŭstalavali dadzieny znak.
Miemaryjalnaja šylda z nadpisam «Tut žyŭ palityk Barys Niamcoŭ, jaki zahinuŭ ad ruki najomnaha zabojcy 27 lutaha 2015 hoda» była ŭstalavanaja 7 vieraśnia pa inicyjatyvie žycharoŭ doma. U toj ža dzień ułady Maskvy zajavili, što mohuć demantavać miemaryjalnuju šyldu, ustanoŭka jakoj nie była ŭzhodnienaja z haradskimi ŭładami.
Barys Niamcoŭ byŭ zabity ŭ centry Maskvy 27 lutaha 2015 hoda. Paplečniki palityka nieadnarazova patrabavali ŭstalavać miemaryjalnuju došku na miescy jaho hibieli na Vialikim Maskvareckim moście. Ułady Maskvy adkazvali admovaj.
