Jeŭrapiejskaja kamisija nakiravała Polščy druhi napamin, jaki tyčycca zaŭvah u dačynieńni da reformy sudovaj sistemy. Dziejańni kamisii ŭpisvajucca ŭ ramki druhoha etapu pracedury ab parušeńni zakanadaŭstva ES, paviedamlaje Radyjo Polšča.
U Polščy jość adzin miesiac na toje, kab prakamientavać zaŭvahi. Kali adkaz Varšavy nie zadavolić Brusiel, JEK nakiruje pazoŭ suprać Polščy ŭ Sud ES u Luksiemburhu. Sud moža abaviazać dziaržavu vypłacić finansavy štraf.
Nahadajem, u kancy lipienia Jeŭrakamisija pačała ŭ dačynieńni da Polščy praceduru ab parušeńni zakanadaŭstva ES u suviazi z pryniaćciem zakona ab sudach ahulnaj jurysdykcyi. Brusiel pastaviŭ pad sumnieŭ pradastaŭleńnie ministru justycyi zanadta šyrokich paŭnamoctvaŭ u pytańni pryznačeńnia sudździaŭ, a taksama rašuča zapratestavaŭ suprać roznaha piensijnaha ŭzrostu sudździaŭ u zaležnaści ad połu. Ab hetym Jeŭrakamisija paviedamiła ŭ svaim papiarednim liście. Polski bok u adkaz zajaviŭ, što kožnaja kraina maje prava samastojna refarmavać svaju sudovuju sistemu, a Jeŭrakamisija nie maje prava aceńvać hetyja źmieny.
