11-hadovy chłopčyk i jaho baćki zahinuli, pravaliŭšysia ŭ kratar vułkana Salfatara niepadalok ad Nieapala, paviedamlaje VVS sa spasyłkaj na italjanskija ŚMI.
JERA
Pavodle papiarednich danych, usio adbyłosia paśla taho, jak chłopčyk zajšoŭ u zabaronienuju dla prahułak zonu.
Baćki pasprabavali adciahnuć jaho ŭ biaśpiečnaje miesca, ale baza kratara abvaliłasia, i jany ŭpali ŭniz. Usie troje atrucilisia hazami i zahinuli na miescy.
Inšy ich syn siami hadoŭ da kratara nie nabližaŭsia i nie paciarpieŭ, adnak staŭ śviedkam trahiedyi. Ź im ciapier pracujuć psichołahi.
Paviedamlajecca, što siamja pryjechała z Turyna, jaki znachodzicca na poŭnačy Italii. Baćkam było kala 40 hadoŭ.
JEAR
Raźmieščany na zachad ad Nieapala vułkan Salfatara karystajecca vialikaj papularnaściu ŭ turystaŭ.
Vułkan ličycca biaździejnym z 1198 hoda, kali adbyłosia apošniaje vyviaržeńnie. U jaho vuzki kratar, i jon viadomy bahatymi vykidami siernaha hazu i pary.
Miesca, dzie pravaliłasia siamja, charaktaryzujecca najaŭnaściu zybkaha piasku, a pavierchnia moža abvalvacca.