Aŭtakałona aktyvistaŭ prarasijskaj arhanizacyi «Nacionalno-osvoboditielnoje dvižienije» (NOD) prajechała ŭviečary 18 vieraśnia praz centr Minska.

Kałona ź siami aŭtamabilaŭ, azdoblenych partyjnaj simvolikaj i ściahami, hieorhijeŭskimi stužkami i vyjavami prezidenta Rasii, bieź pieraškod prajechała praz uvieś horad.

Sioleta ŭ sakaviku, u «dzień uźjadnańnia Kryma z Rasijaj», arhanizacyja abviaściła «Usierasijski humanitarny aŭtaprabieh «Vialikaja Rasija», meta jakoha — zbor humanitarnaj dapamohi žycharam akupavanych Rasijaj Danieckaj i Łuhanskaj abłaściej Ukrainy z naviedvańniem «śviatych miescaŭ nacyjanalna-vyzvolnaj baraćby našaha ruskaha/savieckaha/rasijskaha narodu pa adstojvańni suverenitetu Ajčyny».

Na sajcie arhanizacyi adznačajecca nieabchodnaść uzhadnieńnia ruchu aŭtaprabiehu «Vialikaja Rasija» ź miascovymi ŭładami, a taksama najaŭnaść miascovaha supravadžeńnia. Pry hetym, u śpisie punktaŭ akcyi Miensk nie prysutničaŭ, a sami ŭdzielniki pryznalisia, što pryjechali ŭ Biełaruś inkohnita. Naranicu jany płanujuć praviadzieńnie nabaženstva ŭ «adnym z nasielenych punktaŭ pad Minskam».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?