Dva hady tamu ekołahi zajavili ab tym, što ciapier na Ziamli adbyvajecca novaje, šostaje masavaje vymirańnie žyvioł. Pa ich raźlikach, u epochi, jakija papiaredničali antrapacenu — eposie čałavieka, kožnyja sto hadoŭ źnikała prykładna pa dva vidy sysunoŭ na kožnyja dziesiać tysiač vidaŭ žyvioł, jakija isnavali ŭ toj čas. U XX i XXI stahodździach hetaja ličba vyrasła ŭ 114 razoŭ!
Inšymi słovami, kolkaść vidaŭ, jakija spynili svajo isnavańnie za hety čas, zvyčajna źnikaje za 10 tysiač hadoŭ, a nie za adno stahodździe. Tempy vymirańnia žyvioł u apošnija hady, jak adznačajuć navukoŭcy, imkliva nabližajucca da taho, ź jakoj chutkaściu źnikali pradstaŭniki fłory i fauny 66 miljonaŭ hadoŭ tamu, kali źnikli dynazaŭry, marskija reptylii i pterazaŭry.
Adznačajecca, adnak, što ŭ ciapierašniaha vymirańnia jość svaja asablivaść: jaho «ruchavikom» źjaŭlajucca nie siły pryrody, a čałaviek, jaki nie tolki naŭprost źniščaje žyvioł, ale i pazbaŭlaje ich asiarodździa pražyvańnia i mahčymych krynic ježy.
Kamanda Rypła pravieryła, jak hety faktar adbivajecca na vyžyvańni ŭsich žyvioł Ziamli, supastaviŭšy masy i biahučy stan dla ŭsich 44 tysiač vidaŭ žyvych istot, što zaniesienyja ŭ Čyrvonuju knihu.
Jak pakazaŭ hety analiz, pieršymi źniknuć nie tolki samyja bujnyja žyvyja istoty, takija jak bujnyja koški, słany, žyrafy abo kity, ale i samyja nievialikija žyvioły. Macniej za ŭsio heta budzie vyjaŭlacca siarod amfibij i ryb.
Pa prahnozach navukoŭcaŭ, faktyčna ŭsie nievialikija žaby i inšyja ziemnavodnyja, čyja masa składaje mienš za hram, źniknuć u bližejšyja dziesiacihodździ.
Pryčynaj ich vymirańnia źjaŭlajecca toje, što čałaviek pastajanna zachoplivaje i źmianiaje pad svaje mety ŭsio novyja terytoryi jak na sušy, tak i ŭ vodach suśvietnaha akijana, vyklikajučy maštabnyja ekałahičnyja pierabudovy, achviarami jakich čaściej za ŭsio stanoviacca samyja nievialikija vidy žyvioł, čyje areały pasialeńnia pieršapačatkova dosyć ścipłyja. Kolkaść bujnych žyvioł, u svaju čarhu, pamianšajecca z-za brakańjerstva abo praźmierna vialikaha vyłavu i adstrełu.
