Fota Siarhieja Hudzilina
Dziciačyja sadki ŭ Biełarusi zmohuć adkryvać płatnyja hrupy.
Pra heta paviedamiła siońnia žurnalistam pradstaŭnica Ministerstva adukacyi Albina Davidovič, piša BiełTA.
Pa słovach Albiny Davidovič, mahčymaść realizacyi prahramy daškolnaj adukacyi na płatnaj asnovie zakładziena ŭ prajekcie novaha Kodeksa ab adukacyi.
«Dziaržaŭnyja ŭstanovy daškolnaj adukacyi zmohuć adkryvać płatnyja hrupy i pracavać u ich całkam na płatnaj asnovie. Takaja patreba vykazvałasia baćkami, adpaviedna, da nas pastupali zapyty ad dziciačych sadkoŭ. My vyvučyli dośvied inšych krain u hetym pytańni i zakłali takuju mahčymaść u prajekt Kodeksa ab adukacyi», — skazała jana.
Što tyčycca prahnazavanaha koštu naviedvańnia płatnych hrup, pradstaŭnik ministerstva adznačyła, što jon budzie zaležać ad naboru pasłuh, što realizujucca ŭ kožnaj kankretnaj hrupie. «Kali ŭ adnoj hrupie dzieci buduć vyvučać anhlijskuju movu, a ŭ inšaj da jaje dadacca chareahrafija, to i apłata, zychodziačy z hetaha, budzie adroźnivacca. Možna, viadoma, u hetym vypadku pravieści anałohiju z pryvatnymi dziciačymi sadkami, ale košt naviedvańnia płatnych hrup u dziaržaŭnych ŭstanovach adukacyi budzie istotna nižejšy», — kanstatavała Albina Davidovič.