Prakuratura kantona Ženieva znajšła tych, chto spuściŭ va ŭnitaz sumu kala 100 tysiač jeŭra. Heta dźvie hramadzianki Ispanii. Pra heta paviedamlaje RIAN sa spasyłkaj na pres-sakratara prakuratury kantona Ženieva Vincenta Deruana.
«Ahulnaja suma skłała pryblizna 100 tysiač jeŭra… Rasśledavańnie praciahvajecca. Na siońniašni dzień viadoma, što dźvie žančyny — ispanki pa nacyjanalnaści — vykidvali hrošy ŭ prybiralni. Prakuror taksama vyśviatlaje pachodžańnie hrošaj», — skazaŭ Dieruan.
Pa jaho słovach, kali vyśvietlicca, što hrošy byli atrymanyja zakonnym šlacham, ispanki nie paniasuć nijakaha pakarańnia, bo psavańnie hrošaj u Šviejcaryi nie źjaŭlajecca złačynstvam.
«Kali ž hrošy źviazanyja ź nielehalnaj dziejnaściu, to heta ŭžo inšaja sprava. Na dadzieny momant žančyny nie źjaŭlajucca vinavatymi. Adnak ich advakat užo byŭ vysłuchany palicyjaj», — dadaŭ jon.
