Sienat ZŠA ŭ paniadziełak, 18 vieraśnia, prahałasavaŭ za zabaronu vykarystańnia prahramnaha zabieśpiačeńnia «Łabaratoryi Kaśpierskaha» fiederalnymi ŭstanovami, spasłaŭšysia na toje, što hetaja kampanija moža być instrumientam Kramla i ŭjaŭlać ź siabie pahrozu dla nacyjanalnaj biaśpieki, paviedamlaje DW.
Ahienctva Reuters adznačaje, što heta čarhovaje paražeńnie dla rasijskaj kampanii, jakaja maje kala 40 młn klijentaŭ va ŭsim śviecie i rašuča abviarhaje abvinavačvańni ŭ tym, što zajmajecca špijanažam pa daručeńni Kramla.
Dakumient, u padtrymku jakoha prahałasavali sienatary, byŭ uklučany ŭ jakaści dadatku da prymanaha štohod zakonu ab asihnavańniach na abaronnyja patreby, uchvalenaj 18 vieraśnia vierchniaj pałataj Kanhresa ZŠA.
Hetaja papraŭka maje na mecie nadać zakanadaŭčuju siłu pastanovy administracyi prezidenta Donalda Trampa, jakaja na minułym tydni zahadała ŭsim hramadzianskim dziaržaŭnym ustanovam vydalić soft Kaśpierskaha sa svaich infarmacyjnych sietak.
