Słužba biaśpieki Ukrainy (SBU) zajaviła, što vyjaviła šerah ukrainskich internet-pravajdaraŭ, jakija pradastaŭlajuć pasłuhi t. n. «DNR» i «ŁNR».
Jak paviedamlajecca na sajcie viedamstva, jany vykryli šerah telekamunikacyjnych pravajdaraŭ na niezakonnaj maršrutyzacyi internet-trafiku nie tolki da «DNR» i «ŁNR», ale taksama da Krymu i Prydniastroŭja.
U SBU padkreślili, što tranzit trafiku adbyvaŭsia «praz padklučeńnie kanałaŭ suviazi z Rasii ŭ sietki ajčynnych telekamunikacyjnych vuzłoŭ z dalejšym kirunkam jaho da danieckaha pravajdara».
U chodzie pieratrusaŭ u pamiaškańniach pravajdaraŭ u Kijevie, Dniapry, Adesie i Charkavie siłaviki kanfiskavali kampjutarnaje abstalavańnie i dakumienty, jakija paćviardžajuć supraćpraŭnuju dziejnaść.
Raspačataja kryminalnaja sprava pa art. 111 (dziaržaŭnaja zdrada) i art. 258-3 KK Ukrainy (stvareńnie terarystyčnaj hrupy).
