Alaksandr Łukašenka i ministr abarony Rasii Siarhiej Šajhu 20 vieraśnia buduć nazirać za vučeńniami na ahulnavajskovym palihonie «Barysaŭski». Pra heta paviedamiŭ padčas bryfinhu pres-sakratar hałoŭnaha ŭpraŭleńnia ideałahičnaj pracy Ministerstva abarony Biełarusi Uładzimir Makaraŭ, piša Tut.by.
Jak raspavioŭ pradstaŭnik Minabarony žurnalistam, na palihonie projduć vučeńni pa adbićci napadu ŭmoŭnaha praciŭnika, praviadzieńni kontrnastupleńnia z nastupnym razhromam praciŭnika i adnaŭleńniem stračanaha stanovišča.
Samaloty Su-34 i Su-25, viertaloty Mi-24 i Mi-28N naniasuć udary pa siłach umoŭnaha praciŭnika. Samaloty Su-24MR ažyćciaviać kantrol vynikaŭ udaraŭ avijacyi, a viertaloty Mi-8 vysadziać desant.
U chodzie rozyhryšu taktyčnych epizodaŭ budzie prademanstravanaja mahčymaść novych uzoraŭ uzbrajeńnia i vajennaj techniki, raspracavanych arhanizacyjami abaronnaha siektara ekanomiki Biełarusi. U liku demanstravanaj techniki lohkabraniavany aŭtamabil «V1» (AAT «MZKC») z procitankavym rakietnym kompleksam, bronietransparcior «Kajman» z 7,62-mm čytarochrstvolnym avijacyjnym kulamiotam HŠH (Hłaholeŭ, Šypunoŭ, Hrazieŭ), radyjoelektronnaja strelba «Navalnica-R» dla baraćby z multykoptarami vytvorčaści AAT «KB Radar», a taksama madernizavanyja tanki T-72 BM3.
Za aktyŭnaj fazaj vučeńnia buduć nazirać pradstaŭniki mižnarodnych arhanizacyj (AAN, ABSIE, NATA, SND, ADKB, MKČK), vajenna-dypłamatyčnaha korpusa zamiežnych krain, akredytavanyja pry ambasadach svaich krain u Biełarusi, i vajennyja naziralniki ad Łatvii, Litvy, Polščy, Ukrainy, Estonii, Šviecyi i Narviehii.
