Vajennyja kanflikty i kryzisy, u tym liku ŭ Siryi, Jiemienie, Afhanistanie i Paŭdniovym Sudanie, niemahčyma vyrašyć inakš, čym palityčnym šlacham. Pra heta zajaviŭ siońnia na 72-j siesii Hienieralnaj Asamblei AAN hienieralny sakratar suśvietnaj arhanizacyi Antoniu Huteryš, paviedamlaje BIEŁTA.
«Nichto nie vyjhraje ŭ siońniašnich vojnach. Ad Siryi da Jiemiena, ad Paŭdniovaha Sudana da Sachiela, u Afhanistanie i inšych miescach dasiahnuć miru mohuć dazvolić tolki palityčnyja rašeńni», — ukazaŭ jon.
«Nam nie varta ciešyć siabie iluzijami. My nie zmožam vykaranić teraryzm, kali nie vyrašym kanflikty, što stvarajuć chaos, va ŭmovach jakoha kvitniejuć vajaŭničyja ekstremisty», — dadaŭ Huteryš.
Hienieralny sakratar AAN paviedamiŭ, što płanuje u 2018 hodzie ŭpieršyniu pravieści pad ehidaj suśvietnaj arhanizacyi sustreču kiraŭnikoŭ viedamstvaŭ, jakija śpiecyjalizujucca na supraćdziejańni ekstremistam. «U nastupnym hodzie ja maju namier pravieści pieršuju sustreču kiraŭnikoŭ kontrterarystyčnych viedamstvaŭ krain — siabroŭ AAN, kab zakłaści asnovu dla novaha mižnarodnaha kontrterarystyčnaha partniorstva», — skazaŭ jon.
Huteryš ličyć, što ŭ śviecie narastaje niestabilnaść i kanflikty paharšajucca, adnak hety praces možna paviarnuć nazad. «Suśvietnaja ekanomika stanovicca ŭsio bolš intehravanaj, adnak, mahčyma, stračvajecca pačućcio suśvietnaj supolnaści, — padkreśliŭ hienieralny sakratar AAN. — Siarod ludziej panuje raźjadnanaść. Palityčnyja sprečki stanoviacca bolš žorstkimi». Huteryš pry hetym zaznačyŭ: «Ja liču, što razam my zmožam damahčysia miru. My možam adnavić davier i zrabić śviet lepšym dla ŭsich».
Hienieralny sakratar taksama adznačyŭ, što rost napružanaści na Karejskim paŭvostravie moža pryvieści da kanfliktu, ale kryzis vakoł KNDR varta ŭrehulavać vyklučna palityčnym šlacham. Jon zajaviŭ, što «prymianieńnie jadziernaj zbroi pavinna być niečym niejmaviernym». «Navat pahrozie jaje vykarystańnia nie moža być apraŭdańnia», — padkreśliŭ Huteryš. U suviazi z hetym jon rezka asudziŭ rakietnyja zapuski i jadziernyja vyprabavańni Pchieńjana, a taksama zaklikaŭ KNDR i dziaržavy, jakija ŭvachodziać u AAN, całkam vykonvać rezalucyi Rady Biaśpieki. «Ja prašu Radu Biaśpieki zachoŭvać adzinstva. Tolki jano moža dazvolić damahčysia denuklearyzacyi na Karejskim paŭvostravie i, jak havorycca ŭ tekście rezalucyi, stvaryć umovy dla dypłamatyčnaha pracesu z metaj ŭrehulavańnia kryzisu», — adznačyŭ kiraŭnik AAN.
«Kali raście napružanaść, pavialičvajecca i ryzyka praliku. Žorstkaja rytoryka moža pryvieści da fatalnaj pamyłki. Rašeńnie pavinna być palityčnym», — skazaŭ Huteryš. «My nie pavinny skacicca da vajny», — dadaŭ jon.
