U Siejmie Litvy prasoŭvajecca reforma ŭ halinie abarony pravoŭ dziciaci, upieršyniu ŭstaloŭvajecca ŭzrostavaja miaža, da jakoj dzicia nielha pakidać adno — šeść hadoŭ, paviedamlaje Delfi.
U aŭtorak Siejm 96 hałasami «za» adnahałosna padtrymaŭ u pieršym čytańni prajekt novaj redakcyi Zakona ab abaronie pravoŭ dziciaci. Zastałosia jašče adno hałasavańnie, kab zakonaprajekt byŭ pryniaty. Jaho ŭstupleńnie ŭ siłu namiačajecca ź lipienia nastupnaha hoda. Padrychtavany Ministerstvam sacyjalnaj abarony i pracy prajekt praduhledžvaje, što adździaleńni pa abaronie pravoŭ dziciaci buduć padspravazdačnyja nie samakiravańniam, a ŭstanovie pry Ministerstvie sacyjalnaj abarony i pracy.
Taksama ŭstaloŭvajecca ahulnaja schiema, jak varta pastupać viedamstvam pry atrymańni paviedamleńniaŭ pra sihnały ŭ siemjach, jakija vyklikajuć zaniepakojenaść. Zakon ustaluje ŭzrostavuju miažu, da jakoj dziaciej nielha budzie pakidać biez nahladu darosłych. Pa prajekcie, baćki abo adkaznyja darosłyja pavinny pakłapacicca ab tym, kab dzicia va ŭzroście da šaści hadoŭ nie zastavałasia biez abjektyŭnaj nieabchodnaści biez nahladu z boku asob, starejšych za 14 hadoŭ.
Zakon budzie abaviazvać ludziej, jakija pracujuć ź dziećmi, paviedamlać pra zaŭvažanyja parušeńni pravoŭ dziaciej, u advarotnym vypadku im budzie pahražać adkaznaść.
Taksama ŭstaloŭvajucca ŭzroŭni pahrozy dla dziaciej, dziejańni słužbaŭ u adpaviednaści z kožnym z hetych uzroŭniaŭ. Pavodle zakonu, dzicia možna budzie zabrać ź siamji tolki pa rašeńni suda.
