Fota zatrymańnia źjavilisia ŭ tvitary.

Zatrymany niekalki chłopcaŭ, jakija hrajuć u minskim hurcie pad nazvaj «Bulbinhiem». Muzykaŭ zatrymaŭ AMAP paśla vystupu pad mastom na Niamizie.

U pastarunak pajechali muzyki Mikałaj Dziemidovič, Mikałaj Ałušta, Alaksiej Začaraŭ.

Pa niepaćvierdžanaj infarmacyi, chłopcy znachodziacca ŭ Centralnym RAUSie.

«Hurt niaredka hraje ŭ pierachodach ci prosta na vulicy. Zvyčajnyja vystupy — časam źbirajuć hrošy, ale heta nie akcyja, ničoha takoha», — paviedamiŭ «Našaj Nivie» adzin z udzielnikaŭ hurta. Chłopiec prymaje ŭdzieł u kancertnych vystupach, na vulicy jon nie hraje.

Pa słovach muzyki, zatrymanym chłopcam kala 30 hadoŭ. Jany ŭradžency roznych haradoŭ (Salihorsk, Niaśviž), svajakoŭ u Minsku nie majuć. Za što zatrymali muzykaŭ i dzie jany ciapier, sam chłopiec nie viedaje.

Moža być, amapaŭcam nie spadabaŭsia repiertuar hurta?

«Skolko v okruhie vorov, chulihanov, skolko ludiej občiŝajut karmany, no ty vybiraješ mienia, milicija!» — śpiavaje ŭ adnoj ź piesień hurt.

Milicyja pakul nie prakamientavała situacyju.

Praź niekalki hadzin chłopcaŭ adpuścili. Kažuć, što pratakoł nie składali.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?