«Hetaja kamieta ŭźnikła zusim niadaŭna, kala 5 tysiač hadoŭ tamu. Chutčej za ŭsio, jana raspałasia na dźvie častki z-za vysokaj chutkaści kručeńnia vakoł svajoj vosi. Paśla taho, jak jadro raskałołasia na dźvie častki, pałovy kamiety pastupova adyšli adna ad adnaje dziakujučy vykidam, jakija ŭźnikali na ich pavierchni ŭ vyniku vypareńnia lodu», — raspaviadaje Džesika Aharvał ź Instytuta vyvučeńnia Soniečnaj sistemy ŭ Hiotynhienie (Hiermanija).
Pa słovach navukoŭcaŭ, niabiesnaje cieła, za jakim jany pačali nazirać prykładna hod tamu, možna nazvać novym typam abjektaŭ Soniečnaj sistemy, bo inšych kamiet abo asteroidaŭ takoha rodu raniej astranomy nie znachodzili.
Isnuje niekalki dziasiatkaŭ «dvuchjadravych» asteroidaŭ, adkrytych za apošnija hady, adnak takaja kamieta była adkrytaja ŭpieršyniu.
Vialikuju zahadku ŭjaŭlaje toje, jak mahła ŭźniknuć hetaja kamieta. Jak tłumačać navukoŭcy, jaje pałovy raźmieščanyja na zanadta vialikaj adlehłaści adna ad adnaje dla taho, kab jany mahli paŭstać u vyniku niejkich unutranych pracesaŭ u byłym adzinym jadry 288P.
Na dumku Aharvał i jaje kaleh, u dalokim minułym pramaci 288P mahła sutyknucca ź niejkim inšym abjektam, što prymusiŭ jaje patreskacca i «zdźmuŭ» pył, jaki pakryvaŭ jaje pavierchniu i abaraniaŭ jaje ldy ad pramianioŭ Sonca.
U vyniku hetaha kamieta pačała rastavać, i brui hazu, što vyryvalisia ź jaje nietraŭ, raskałoli jaje na dźvie častki i prymusili pałovy kamiety razyścisia na vialikija adlehłaści.
Pakul nie zrazumieła, ci jość inšyja padobnyja abjekty ŭ pojasie asteroidaŭ abo ŭ Soniečnaj sistemie ŭ cełym. Navukoŭcy kažuć, što jany adkryli niezvyčajnuju pryrodu 288P całkam vypadkova, i pošuki jaje «bratoŭ» vymahajuć vielizarnych vysiłkaŭ.
