Da 22 hradusaŭ ciapła i pieravažna biez apadkaŭ budzie ŭ Biełarusi ŭ vychadnyja, paviedamiŭ BIEŁTA načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
fota Julii Balcevič
«U bližejšyja sutki čakajecca daždžlivaje nadvorje. Dalej z-za skandynaŭskaha antycykłonu, jaki budzie pastupova ŭzmacniać svoj upłyŭ nad nadvorjem, ustalujecca małavobłačnaje kamfortnaje nadvorje. Nočču i ranicaj budzie pa-asieńniamu chaładnavata: da plus 5-6, dzionnaja tempieratura budzie ciahnucca da 20-hradusnych adznak. Tempieratura ŭ treciaj dekadzie vieraśnia čakajecca na 1-2 hradusy vyšejšaj za klimatyčnuju normu», — skazaŭ Dźmitryj Rabaŭ.
U piatnicu nadvorje ŭ Biełarusi buduć vyznačać atmaśfiernyja franty i ciopłaja pavietranaja masa, jakaja pastupaje z paŭdniovaha ŭschodu. Nočču i ranicaj na bolšaj častcy terytoryi, dniom pieravažna pa paŭdniovym zachadzie krainy projduć daždžy. Nočču i ranicaj u mnohich rajonach, dniom miescami čakajucca navalnicy. Na bolšaj častcy terytoryi prahnazujecca ŭzmacnieńnie vietru paryvami da 15-20 m/s. Tempieratura pavietra nočču składzie 10-16 hradusaŭ vyšej za nul. Dniom budzie 20-26 hradusaŭ ciapła, pa zachadzie — plus 15-19.
U subotu pieravažna biez apadkaŭ, tolki pa poŭdni projduć karotkačasovyja daždžy, mahčymy navalnicy. Tempieratura pavietra nočču składzie 6-13 hradusaŭ vyšej za nul, dniom — 15-22 hradusy ciapła.
U asnoŭnym nie čakajecca apadkaŭ i ŭ niadzielu, tolki ŭ niekatorych rajonach pa paŭdniovym zachadzie Biełarusi mahčymy nievialikija karotkačasovyja daždžy. Tempieratura pavietra nočču składzie 5-12 hradusaŭ vyšej za nul, dniom — 14-21 hradus ciapła.
U paniadziełak prahnazujecca pieravažna biez apadkaŭ, nočču ŭ krajnich paŭdniova-zachodnich rajonach mahčymy nievialikija karotkačasovyja daždžy. Nočču i ranicaj čakajecca słaby tuman. Tempieratura pavietra nočču składzie 6-13 hradusaŭ vyšej za nul, dniom — 14-21 hradus ciapła.
U aŭtorak i sieradu budzie pieravažna biez apadkaŭ. Nočču i ranicaj čakajecca słaby tuman. Tempieratura pavietra nočču składzie 4-11 hradusaŭ vyšej za nul, dniom — 12-19 ciapła.
