Prezident ZŠA Donald Tramp abviaściŭ ab novaj porcyi sankcyj suprać KNDR. Na hety raz abmiežavańni zakranuć kampanii, što viaduć biznes z Paŭnočnaj Karejaj, paviedamlaje VVS.
Novyja miery, pa słovach Trampa, zaklikanyja pazbavić paŭnočnakarejski režym «krynic dachodaŭ, jakija finansujuć raspracoŭku samych śmiarotnych vidaŭ zbroi, viadomych čałaviectvu».
Jak raspavioŭ Tramp napiaredadni sustrečy z prezidentam Paŭdniovaj Karei i premjer-ministram Japonii, jon padpisaŭ ukaz, jaki pašyraje sankcyi ŭ dačynieńni da KNDR. U pryvatnaści amierykanski minfin zmoža karać kampanii, jakija pracujuć z karejskimi bankami abo firmami.
Novyja abmiežavalnyja miery zakranuć, pa słovach Trampa, tekstylnuju pramysłovaść, rybałoŭstva, infarmacyjnyja technałohii i apracoŭčuju pramysłovaść.
