NATO
Rasija, jak i inšyja krainy, maje prava pravodzić vajskovyja vučeńni, važnaja ich adkrytaść i prazrystaść, zajaviŭ hienieralny sakratar NATA Jens Stołtenbierh pa vynikach sustrečy z kiraŭnikom MZS Rasii Siarhiejem Łaŭrovym na palach siesii Hienieralnaj Asamblei AAN, kamientujučy rasijska-biełaruskija manieŭry «Zachad-2017», paviedamlaje TASS.
«Usie krainy majuć prava na vučeńni, heta tyčycca i Rasii, — skazaŭ hienieralny sakratar Paŭnočnaatłantyčnaha aljansu. — Važna, kab była maksimalnaja adkrytaść i pradkazalnaść dla paźbiahańnia nieparazumieńniaŭ i incydentaŭ, bo jany mohuć stvaryć vielmi niebiaśpiečnyja situacyi».
Biełaruska-rasijskija vučeńni «Zachad-2017» prajšli z 14 pa 20 vieraśnia na šaści palihonach i dvuch učastkach miascovaści ŭ Biełarusi i troch palihonach u Rasii. U manieŭrach było zadziejničana kala 70 samalotaŭ i viertalotaŭ, da 680 adzinak bajavoj techniki, u tym liku kala 250 tankaŭ, da 200 harmat, reaktyŭnych sistem załpavaha ahniu i minamiotaŭ.
