Alaksandr Kalinin stvaryŭ arhanizacyju, jakuju nazvaŭ «Chryścijanskaja dziaržava Śviataja Ruś».
Sprečki ŭ Rasii vakoł filma «Matylda» atrymali novy pavarot. U Maskvie sud aryštavaŭ lidara niezarehistravanaj arhanizacyi «Chryścijanskaja dziaržava Śviataja Ruś» Alaksandra Kalinina.
Aficyjna jaho padazrajuć u ździajśnieńni cisku na kinateatry ŭ suviazi z pakazam filma «Matylda».
Raniej palicyja zaviała kryminalnuju spravu pa artykule «Prymus da ździajśnieńnia ździełki abo da admovy ad jaje ździajśnieńnia» ŭ suviazi z pahrozami hvałtu i pryčynieńnia škody, jakija rassyłalisia kinateatram.
Kalinina zatrymali 20 vieraśnia ŭ Lipieckaj vobłaści. Pry pieratrusie ŭ jaho znajšli ŭlotki sa słovami «Za Matyldu hareć». Zatrymanyja i niekatoryja inšyja aktyvisty «Chryścijanskaj dziaržavy», nazvanaj pa anałohii z «Isłamskaj dziaržavaj».
Film režysiora Alaksieja Učyciela «Matylda» apaviadaje pra suviaź rasijskaha cara Mikałaja II z kachankaj, balerynaj Matyldaj Kšesinskaj, zasnavany na realnych histaryčnych padziejach. Film vyklikaŭ pratesty Pravasłaŭnaj carkvy, jakaja pryznała Mikałaja II śviatym. Radykalnyja pravasłaŭnyja aktyvisty navat ładzili padpały.
33-hadovy Kalinin i jahonaja arhanizacyja zajaŭlali pra metu adnaŭleńnia rasijskaj manarchii ŭ miežach byłoha Savieckaha Sajuza.
