Za praviadzieńnie refierendumu ab niezaležnaści aŭtanomii ad Iraka prahałasavaŭ 15 vieraśnia parłamient irakskaha Kurdystana. Plebiscyt vyklikaŭ rezkuju krytyku ŭładaŭ u Bahdadzie, suprać vystupajuć taksama Iran i Turcyja, što bajacca sieparatysckich tendencyj kurdskaj mienšaści ŭ svaich krainach.
ZŠA nieadnarazova źviartalisia da lidaraŭ irakskich kurdaŭ z prośbaj admianić refierendum. U amierykanskim zamiežnapalityčnym viedamstvie miarkujuć, što plebiscyt adciahnie «ad bolš nadzionnych pytańniaŭ», uklučajučy baraćbu z terarystyčnaj hrupoŭkaj «Isłamskaja dziaržava».
Što praŭda, navat kali bolšaść udzielnikaŭ refierendumu daduć stanoŭčy adkaz, heta nie aznačaje aŭtamatyčna, što kurdy abvieściać ab stvareńni ŭłasnaj dziaržavy. Pierš za ŭsio, jany spadziajucca atrymać bolš padtrymki na pieramovach ab samavyznačeńni z uładami Iraka. Urad u Bahdadzie kateharyčna adchilaje jak adździaleńnie kurdskaj aŭtanomii, tak i refierendum na hetu temu.
Lidar irakskich kurdaŭ Barzani ŭ 2014 hodzie ŭžo sprabavaŭ pravieści refierendum ab niezaležnaści Kurdystana.
***
Terytoryja irakskaha Kurdystana składaje 40 tys. kv. kiłamietraŭ, a nasielnictva ŭ 2013 hoda było roŭnaje 5,5 młn čałaviek. Irakski Kurdystan miažuje ź Iranam, Turcyjaj i Siryjaj. U Turcyi pražyvaje, pavodle roznych acenak, ad 13 da 18 miljonaŭ kurdaŭ.
