Piaty prezydent Iślandyi Oŭlaviur Rahnar Hrymsan adkazaŭ na pytańnie biełaruskaha žurnalista, što rabić krainam biez bahatych zaležaŭ karysnych vykapniaŭ.
Adkazvajučy na pytańnie Juryja Kazijatki pra mahčymyja kropki sudakranańnia Biełarusi i Iślandyi, krynicach pavyšeńnia ŭzroŭniu žyćcia nasielnictva, eks-prezydent Iślandyi padkreśliŭ, što bačyć perspektyvu ŭ vykarystańni tvorčych siłaŭ moładzi.
«Heta hałoŭnaja krynica enerhii, jakoj my vałodajem, treba tolki dać mahčymaść moładzi stvarać novyja pradpryjemstvy», — skazaŭ Oŭlaviur Hrymsan.
Jon dadaŭ, što mahutnymi hieneratarami dla stvareńnia dobraj budučyni pavinny stać universytety, jakija pracujuć u duchu XXI stahodździa.
«I ja miarkuju, što adzin z aspektaŭ, jaki Biełarusi cikavy ŭ Iślandyi, jakim čynam taki maleńki narod, zakinuty ŭ Atlantyčnym akijanie, sa składanymi kamunikacyjami sa źniešnim śvietam (pakolki vyjechać ź Iślandyi ŭ inšyja krainy značna składaniej, čym ź Biełarusi) za 30 −40 hadoŭ vyjšaŭ u pieršy šerah u mnohich sferach? Akramia čystaj enerhii sakret u tym, što asobnym ludziam, hrupam moładzi dajecca mahčymaść vykarystoŭvać svaje mahčymaści dla stvareńnia novych praduktaŭ, jakija ŭ adnosna karotki čas mohuć atrymać raspaŭsiudžvańnie va ŭsim śviecie» — skazaŭ Hrymsan.
Oŭlaviur Rahnar Hrymsan zajmaŭ pasadu prezydenta Iślandyi ad 1996 pa 2016 hod.
