Pa dadzienych ekzitpołaŭ, na refierendumie ŭ Šviejcaryi hramadzianie krainy adchilili prajekt pieršaj za apošnija 20 hadoŭ piensijnaj reformy, paviedamlaje Dw.de.
Pra heta paśla zakryćcia vybarčych učastkaŭ u niadzielu, 24 vieraśnia, paviedamiŭ šviejcarski telekanał SRF. U svaju čarhu ahienctva AFP sa spasyłkaj na ekzitpoły paviedamlaje, što suprać piensijnaj reformy prahałasavali 53% vybarščykaŭ.
Zhodna ź infarmacyjaj telekanała, niekalki kantonaŭ užo padali dadzienyja pa apracavanych biuleteniach. Va ŭsich ź ich, za vyklučeńniem paŭkantona Bazel-Štat, vybarščyki prahałasavali suprać reformy.
Papraŭki da vybarčaha zakanadaŭstva byli ŭchvaleny parłamientam ź minimalnaj pieravahaj hałasoŭ jašče viasnoj. Jany praduhledžvajuć pavyšeńnie piensijnaha ŭzrostu dla žančyn z 64 da 65 hadoŭ. Akramia taho, płanavałasia pavyšeńnie piensijnych uznosaŭ z zarobku i zboraŭ ad PDK. Pry hetym staŭka PDK pavinna ŭzraści z 8,0 da 8,3 pracenta.
Kansiervatyŭnaja Šviejcarskaja narodnaja partyja (SVP), jakaja vałodaje bolšaściu ŭ Nacyjanalnym saviecie, vystupaje suprać reformy, ličačy jaje zanadta darahim prajektam «levych».
