U Maskvie byŭ zabity chakiejny hałkipier Viktar Tałmačoŭ, jaki ŭ 1960-ch hulaŭ za CSKA i zbornuju SSSR. Hałoŭnaj abvinavačvanaj stała jaho dačka, ź jakoj 78-hadovy Tałmačoŭ pražyvaŭ u adnapakajovaj kvatery.
U piatnicu, 22 vieraśnia, pa paviedamleńni «MK», učastkovamu palicejskamu patelefanavała 76-hadovaja piensijanierka i paviedamiła, što jaje były muž nie vychodzić na suviaź bolš za tydzień. Supracoŭnik palicyi adpraviŭsia pa adrasie Tałmačova, dzie dźviery ŭ kvateru adčyniła jaho dačka i zajaviła, što były chakieist adpačyvaje ŭ Zakarpaćci, va Ukrainie.
Adnak učastkovy paśpieŭ ułavić niepryjemny rezki pach i zapatrabavaŭ ŭvajści ŭ kvateru, dzie pabačyŭ na kanapie nakryty bryzientam paŭraskładzieny trup.
Cieła paśpieła značna źmianicca, ale miedycynskaja ekśpiertyza ŭstanaviła, što śmierć nastupiła ŭ vyniku kołata-rezanych ran. Dačka Tałmačova była adrazu ž zatrymanaja palicyjaj, joj było pradjaŭlena abvinavačańnie ŭ zabojstvie.
Pa viersii śledstva, žančyna naniesła baćku nie mienš za dva ŭdary nažom u vobłaść hrudnoj kletki. Ad atrymanych ranieńniaŭ 78-hadovy mužčyna pamior na miescy.
Rodnyja Tałmačova nie vykazali ździŭleńnia pa fakcie zabojstva chakieista ŭłasnaj dačkoj. Adnosiny žančyny ź siamjoj byli nie samymi lepšymi. Pa paviedamleńniach svajakoŭ, žančyna nikoli nie pracavała, pradała svaju kvateru i pierajechała da baćki. Pry hetym u jaje jość dačka, jakaja zastałasia biez žylla.
U apošnija dni ŭnučka Tałmačova pastajanna stelefanoŭvałasia z maci, ale taja zapeŭniła svaju dačku, što Tałmačoŭ źjechaŭ va Ukrainu.
Heta nie vyklikała nijakich padazreńniaŭ, bo jon nieadnarazova jeździŭ adpačyvać i lačycca ŭ Lvoŭskuju vobłaść.