Biełaruś choča i maje namier ruchacca dalej evalucyjnym, a nie revalucyjnym šlacham. Pra heta zajaviŭ ministr zamiežnych spraŭ Uładzimir Makiej siońnia na adkryćci pieršaj kanfierencyi hanarovych konsułaŭ Biełarusi, piša BiełTA.
Kiraŭnik biełaruskaha zamiežnapalityčnaha viedamstva padkreśliŭ, što «Biełaruś adkryta da supracoŭnictva i nie choča, kab adbyvalisia takija rečy, jakija adbyvajucca ŭ niekatorych inšych krainach». «My nie chočam revalucyj i chočam ruchacca nie revalucyjnym, a evalucyjnym šlacham», - padkreśliŭ Uładzimir Makiej.
Jon vykazaŭ asablivyja słovy padziaki hanarovym konsułam, jakija ŭ niaprosty raniejšy čas, kali mnohija krainy adčuvali niedavier da Biełarusi, stali pracavać na vysakarodnuju ideju zbližeńnia narodaŭ.
Padobnaja sustreča hanarovych konsułaŭ upieršyniu pravodzicca ŭ Minsku. Jana nakiravana na ŭmacavańnie i pašyreńnie dvuchbakovych suviaziej ź Biełaruśsiu i inšymi dziaržavami. Asablivy akcent robicca na śfieru źniešniaha handlu i pryciahnieńnie zamiežnych inviestycyj.
