Dapamoha hramadzianam u palapšenni žyllovych umoŭ zaŭsiody budzie ŭ liku pryjarytetaŭ sacyjalnaj palityki biełaruskaj dziaržavy.
Pra heta Alaksandr Łukašenka zajaviŭ siońnia na naradzie pa prajekcie novaj redakcyi Žyllovaha kodeksa i pytańniach udaskanaleńnia zakanadaŭstva pa skaračeńni pustych i starych damoŭ, piša BIEŁTA.
«My pavinny stvaryć usie ŭmovy i miechanizmy, kab dapamahčy biednym ludziam, pierš za ŭsio, u palapšenni žyllovych umoŭ. Hety napramak — najvažniejšy składnik sacyjalnaj palityki Biełarusi. Dumaju, jana zastaniecca nazaŭsiody», — zajaviŭ kiraŭnik dziaržavy.
Łukašenka adznačyŭ, što vyniesienaja na naradu tema aktualnaja tym, što zakranaje intaresy praktyčna ŭsich žycharoŭ krainy, u tym liku tych, chto maje žyllo.
«Rašeńnie kvaternaha pytańnia — adzin z asnoŭnych indykataraŭ raźvićcia hramadstva. Žyllo — nie prosta ścieny i dach nad hałavoj. Heta miesca, dzie čałaviek, pryjšoŭšy z pracy, moža adpačyć, pabyć ź siamjoj va ŭtulnaj i kamfortnaj abstanoŭcy. Samaje hałoŭnaje — vychavańnie dziaciej», — padkreśliŭ biełaruski kiraŭnik.
Pierad udzielnikami narady jon pastaviŭ šerah pytańniaŭ nakont taho, nakolki nieabchodnyja i naśpieli prapanavanyja źmieny. «Pieršaje pytańnie — navošta, ci treba, ci nadyšoŭ čas, što pieraškadžaje pracy starym narmatyŭnym pravavym aktam, jakija rehulujuć hetyja adnosiny? Ci treba nam siońnia ŭryvacca ŭ Žyllovy kodeks i vykładać jaho ŭ novaj redakcyi? Heta hałoŭnaje pytańnie, na jaki treba adkazać», — skazaŭ Alaksandr Łukašenka.