U siaredzinie žniŭnia žychary adnaho z homielskich damoŭ paviedamili ŭ ŽEU, što za dźviaryma adnoj z kvater užo daŭno čuvać dziciačy płač, a baćkoŭ niama. Načalnik ŽEU źviazaŭsia z orhanami apieki i apiakunstva — i vyśvietliłasia: trochhadovaja dziaŭčynka apynułasia adna doma z praktyčna čužoj žančynaj. Dzicia zabrali ŭ prytułak i stali šukać hora-baćkoŭ, piša Tut.by.

Praź niekatory čas orhanam apieki atrymałasia ź imi źviazacca - da taho momantu siamiejnaja para, nibyta raniej jakaja znachodziłasia ŭ Rasii, užo była ŭ Homieli. Ale dziciem nichto nie cikaviŭsia i zabrać dziaŭčynku z prytułku navat nie sprabavaŭ.

- Baćki byli dvojčy apavieščanyja ab sudovych pasiadžeńniach pa pytańni rašeńnia dalejšaha losu dziciaci. Adnak siamiejnaja para praihnaravała heta - nichto ź ich tak i nie źjaviŭsia ŭ sud, - raspaviała namieśnik kiraŭnika administracyi Centralnaha rajona Volha Dacenka.

Orhany apieki i papiačycielstva pradstavili ŭ sud dokazy niežadańnia kožnaha z baćkoŭ stvaryć nieabchodnyja ŭmovy dla vychavańnia i raźvićcia dziaŭčynki. U vyniku hamialčan pazbavili baćkoŭskich pravoŭ.

Ciapier dla dziaŭčynki ŭžo padabrana zamiaščalnaja siamja.

Клас
0
Панылы сорам
0
Ха-ха
0
Ого
0
Сумна
0
Абуральна
0