Alaksandr Łukašenka daručyŭ na praciahu nastupnaha hoda navieści ŭ krainie idealny paradak. Pra heta jon zajaviŭ siońnia na naradzie ŭ Minsku.
«Ja ŭžo skazaŭ pra toje, što ŭ nastupnym hodzie my prykładziem maksimum namahańniaŭ dla taho, kab krainu pryvieści ŭ paradak. I nie tolki tamu, što heta apošni hod pierad Jeŭrapiejskaj alimpijadaj u Biełarusi. U 2019-m pryjeduć pradstaŭniki ŭsiaho śvietu pahladzieć na Biełaruś. Što my im pakažam?» — adznačyŭ jon.
«Pačynajučy ad daroh, mastoŭ, raźviazak (a heta tvar krainy), prylehłych da daroh paloŭ, haradoŭ i viosak, pra jakija my budziem siońnia vieści havorku, i zakančvajučy pasiaŭnymi płoščami — usio pavinna być u idealnym stanie», — daručyŭ biełaruski kiraŭnik.
Uličvajučy prysutnaść na naradzie kiraŭnikoŭ rehijonaŭ, Łukašenka zapatrabavaŭ ad vice-premjera Michaiła Rusaha dakładu ab chodzie ŭborki ŭradžaju. «Jakija prablemnyja pytańni, jakija treba tut abmierkavać? A jany jość! Ich treba abmierkavać z udziełam hubiernataraŭ», - adznačyŭ jon.