Reuters.com
Prezident Rasii Uładzimir Pucin nazvaŭ situacyju ŭ Katałonii ŭnutranaj spravaj Ispanii, pra heta jon zajaviŭ na cyrymonii ŭručeńnia davierčych hramat pasłami zamiežnych krain u Kramli, paviedamlaje «Interfaks».
«Nie chavaju, my vielmi chvalujemsia za Ispaniju, ale heta, viadoma, unutranaja sprava ispanskaha ŭrada», — skazaŭ kiraŭnik rasijskaj dziaržavy.
Jon taksama dadaŭ, što spadziajecca na pieraadoleńnie kryzisu ŭ Ispanii.
Napiaredadni pres-sakratar prezidenta Dźmitryj Piaskoŭ admoviŭsia acanić dziejańni palicyi ŭ Katałonii, dadaŭšy, što i Maskva «nie prymaje, kali chtości aceńvaje mietady raboty pravaachoŭnych orhanaŭ Rasii».
«Paśladoŭnaja pazicyja Maskvy zaklučajecca ŭ tym, što heta ŭnutranaja sprava karaleŭstva», - zajaviŭ Piaskoŭ.