Jak paviedamlaje sajt Pieršamajskaha RUUS Minska, u milicyju źviarnułasia žančyna, u jakoj 1 kastryčnika hetaha hodu vykrali kašalok z hrašyma ŭ pamiery bolš za 250 rubloŭ. Kradziež adbyŭsia padčas słužby ŭ carkvie, jakaja znachodzicca na vulicy Usichśviackaj.
Padčas prahladu zapisaŭ z kamier videanazirańnia, jakija znachodziacca ŭ pamiaškańni carkvy, udałosia vyznačyć, što zajaŭnica pakłała svaju sumku na palicu, nakryŭšy jaje svajoj kurtkaj. Padčas słužby na łaŭcy pobač z palicaj siadzieła pažyłaja žančyna, jakaja vyciahnuła kašalok z sumki i źnikła.
Padazravanaj žančynie na vyhlad 70—75 hadoŭ, rost 160—165 sm, siaredniaha ciełaskładu, vałasy ź siviznoj. Jana była apranuta ŭ karyčnievuju kurtku, čornyja štany, čorna-biełuju chustku. Z saboj nasiła čornuju sumku.
Kali vy paznali žančynu na fota albo viedajecie što-niebudź pra zdareńnie, prośba źviartacca ŭ Pieršamajskaje RUUS stalicy asabista (vuł. Bialinskaha, 10) albo pa telefonach: 8 (017) 280-02-02, 8 (017) 280-95 -34 abo 102.
