U Ivanaŭskaj vobłaści Rasii skončany sudovy praces nad dvuma žycharami vobłaści, jakija ŭ žniŭni letaś zabili hramadzianina Biełarusi.
Sprečka razharełasia ŭ vioscy Błahavieščańje Łuchskaha rajona. Pryčynaj dla jaje stała nibyta toje, što 43-hadovy biełarus admoviŭsia pradavać mabilnik.
Spačatku viaskoŭcy prosta źbili na horki jabłyk mužčynu. A potym na matacykle IŽ «Płanieta» pavieźli pjanaha biełarusa ŭ susiedniuju niežyłuju viosku, dzie znoŭ pačali źbivać.
Tolki paśla hetaha ŭ złamyśnikaŭ naradziłasia ideja ŭtapić achviaru ŭ bałocie, jakoje znachodziłasia za dva kiłamietry ad Błahavieščańja.
Jany adnieśli biełarusa na miełkavodździe i pačali ŭtrymlivać cieła pad vadoj. Adzin trymaŭ za nohi, inšy — za hałavu. U vyniku biełarus pamior.
Kožny z zabojcaŭ asudžany da 15 hadoŭ źniavoleńnia.