Abarona prosić sud abaviazać Hałoŭnaje ŭpraŭleńnie Dziaržaŭnaj mihracyjnaj słužby Ukrainy ŭ Lvoŭskaj vobłaści razhledzieć zvarot pazbaŭlenaha ŭkrainskaha hramadzianstva Michaiła Saakašvili ab atrymańni palityčnaha prytułku. Pra heta UNIAN skazaŭ adzin z advakataŭ Saakašvili Markijan Hałabała.
Advakat raspavioŭ, što jašče 11 vieraśnia Saakašvili asabista źviarnuŭsia ŭ Dziaržaŭnuju mihracyjnuju słužbu z metaj atrymańnia statusu asoby, jakaja maje patrebu ŭ dadatkovaj abaronie. «Jon źviartaŭsia z adpaviednaj zajavaj, źviartaŭsia … ab atrymańni statusu asoby, jakoje maje patrebu ŭ dadatkovaj abaronie. Nijakaj inšaj zajavy Saakašvili nie padavaŭ», — skazaŭ Hałabała.
Abaronca ŭdakładniŭ, što ŭ jurydyčnaj płoskaści pracedura atrymańnia palityčnaha prytułku maje inšuju terminałohiju. «Mienavita status asoby, jakaja maje patrebu ŭ dadatkovaj abaronie. Heta jurydyčnaja nazva hetaha statusu i jurydyčnaja nazva hetaj pracedury», — dadaŭ advakat.
Pazoŭ boku abarony budzie razhladać Lvoŭski akruhovy adminsud.
