Prajekt budaŭnictva pasielišča, košt realizacyi jakoha składaje kala 136 młn dalaraŭ, užo ŭchvaleny ŭradam AAE. Novaje municypalnaje ŭtvareńnie atrymaje nazvu «Marsijanski navukovy horad» i stanie častkaj doŭhaterminovaha płana šejcha Machamieda ibn Rašyd Al Maktuma i Kaśmičnaha centra Emirataŭ pa realizacyi hrandyjoznaj marsijanskaj misii pa stvareńni čałaviečaj kałonii na Marsie ŭ pačatku XXII stahodździa.
Zhodna z budaŭničym płanam, płošča horada budzie składać 177 tysiač kvadratnych mietraŭ. Raspracoŭkaj płana horada, jaki budzie składacca ź niekalkich vielizarnych futurystyčnych budynkaŭ u vyhladzie kupałoŭ, zajmaŭsia znakamity dacki architektar Bjarkie Inhiels u supracoŭnictvie ź inžynierami i navukoŭcami AAE. Unutry hetych budynkaŭ znojduć miesca mnostva łabaratoryj, jakija zojmucca pošukami rašeńniaŭ u zabieśpiačeńni kamandy marsijanskich kałanistaŭ ježaj, enierhijaj i vadoj.
Pra terminy budaŭnictva horada nie paviedamlajecca, ale ŭžo ciapier u nas jość mahčymaść pahladzieć, jak buduć vyhladać jaho nievierahodnyja futurystyčnyja budynki ŭnutry i zvonku.
Fota: Emirate Mars Mission
