U Rasii TEFI za najlepšuju aśvietnickuju pieradaču atrymaŭ aŭtar filma ab płoskaj Ziamli 25

U Maskvie, u kinazale «Rasija», adbyłosia ŭručeńnie premij TEFI za najlepšyja televizijnyja pieradačy i prajekty. U naminacyi «Aśvietnickaja pieradača» pieramohu śviatkavała prahrama «Vajennaja tajna» telekanała REN-TV.

Admietna, što viadučym «Vajennaj tajny» źjaŭlajecca Ihar Prakapienka. Ad 1998 hoda 52-hadovy Prakapienka pracuje na REN-TV, dzie robić šerah pieradač.

Siarod jahonych prajektaŭ taksama «Samyja šakujučyja hipotezy» i «Teoryja zabłudžeńniaŭ».

U pieradačy «Samyja šakujučyja hipotezy» ŭžo nieadnarazova vychodzili vypuski pryśviečanyja tamu, što Ziamla nasamreč nie kruhłaja, a płoskaja.

Heta ŭžo siomaja statuetka TEFI, jakuju atrymaŭ za svaju pracu Prakapienka.

Što tyčycca prahramy «Vajennaja tajna», to ŭ joj bahata antyŭkrainskaj i antyzachodniaj prapahandy.

0

0

0

0

0

0

ZP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH