Abnoŭleny dekret pa darmajedstvie znachodzicca na razhladzie ŭ Łukašenki — i da hetaha času nie padpisany. TUT.BY daviedaŭsia va ŭdzielnikaŭ mižviedamasnaj rabočaj hrupy, jak prachodziła abmierkavańnie prajekta, jakija źmieny jany prapanoŭvali i jak (z vysokaj dolaj vierahodnaści) moža vyhladać abnoŭleny dekret.
Z sakavika čynoŭniki pracujuć nad abnoŭlenaj viersijaj dakumienta. Varyjacyi abnoŭlenaha dakumienta tak ci inakš traplali ŭ adkryty dostup, adnak kančatkovaja redakcyja dahetul nie padpisanaja.
U Minpracy raniej paviedamlali, što dekret № 3 pieražyvaje karennuju rekanstrukcyju, ciapier jon rychtujecca ŭ absalutna novaj redakcyi.
— Płanujecca, što dekret budzie nazyvacca «Pa sadziejničańni zaniataści» i budzie nakiravany na toje, kab orhany ŭłady akazali maksimalna mahčymaje sadziejničańnie žadajučym pracavać, kab čałaviek moh pracavać ci byŭ pracaŭładkavany na niejkaje pracoŭnaje miesca, — paviedamiŭ namieśnik ministra pracy i sacyjalnaj abarony Valeryj Kavalkoŭ.
Što prapanujuć: uvieści apłatu asobnych pasłuh pa sabiekošcie
Deputat Tamara Krasoŭskaja, jakaja ŭvachodzić u mižviedamasnuju pracoŭnuju hrupu, adznačaje, što bolšaść prapanoŭ pa ŭdaskanaleńni dekreta № 3, jakija razhladała hrupa, adbilisia ŭ abnoŭlenym dakumiencie. I jašče raz padkreślivaje, što kančatkovaje rašeńnie ab tym, jak budzie vyhladać dekret № 3, jašče nie pryniataje.
— Ja liču, što dakumient nosić ideałahičny charaktar i nakiravany ŭ pieršuju čarhu na sadziejničańnie zaniataści nasielnictva. Heta toje, što i prapanoŭvali deputaty: stymulavańnie pracoŭnaj zaniataści i samazaniataści, padtrymka pradprymalnickaj inicyjatyvy i zabieśpiačeńnie lehalizacyi pracoŭnaj dziejnaści.
Toje, jakija katehoryi hramadzian buduć ličycca nie zaniatymi ŭ ekanomicy, dakumient prapanuje vyznačyć da 1 listapada 2017 hoda. Paśla na dvuch uzroŭniach — miascovym i respublikanskim — sfarmujecca baza danych ludziej, nie zaniatych u ekanomicy. Jana budzie pastajanna abnaŭlacca, i miascovyja orhany ŭłady zmohuć jaje karektavać.
Tamara Krasoŭskaja adznačaje, što ŭ prajekt dekreta ŭklučyli jašče adnu važnuju prapanovu deputataŭ: urad štohod budzie vyznačać pieralik terytoryj z asablivym napružańniem na rynku pracy, kab vyrašyć prablemu zaniataści ŭ asobnych rajonach.
— I abłvykankam, i ŭrad buduć ažyćciaŭlać manitorynh, aceńvać jakaść i dastupnaść pasłuh sadziejničańnia zaniataści nasielnictva ŭ rehijonach. Ale samaje hałoŭnaje — heta praca vykanaŭčych i raźmierkavalnych orhanaŭ ułady. Važna vyznačyć: kali ludzi nie pracujuć, to čamu? Dla hetaha ich buduć vyklikać miascovyja orhany ŭłady. Kali spatrebicca pieranavučańnie, to adpraviać na kursy pry centrach zaniataści. Z kožnym budzie pravodzicca indyvidualnaja rabota.
Prajektam dekreta praduhledžanyja i «mierapryjemstvy pa resacyjalizacyi asob, jakija viaduć asacyjalny ład žyćcia».
— Kali vykankam bačyć, što čałaviek nie choča pracavać, značyć, buduć dumać, što ź im rabić, jak zaniać jaho ŭ ekanomicy, kab jon utrymlivaŭ svaju siamju.
Kaardynavać pracu pa realizacyi normaŭ dekreta stanie pastajanna dziejučaja kamisija, stvoranaja miascovaj administracyjaj. U skład kamisii ŭvojduć deputaty rajonnaha ŭzroŭniu; śpiecyjalisty orhanaŭ pa pracy, zaniataści, sacyjalnaj abaronie; ŽKH i h. d. Hetaja kamisija budzie infarmavać hramadzian ab tym, što jany trapili ŭ śpis nie zaniatych u ekanomicy i sačyć za vynikam pracaŭładkavańnia na praciahu kvartała.
— Kamisija budzie pracavać z kožnym čałaviekam, — tłumačyć Tamara Krasoŭskaja.
A kab stvaryć umovy, pry jakich hramadzianie buduć zacikaŭlenyja ŭ lehalnym pracaŭładkavańni, z 1 studzienia 2019 hoda płanujecca akazvać nie zaniatym u ekanomicy hramadzianam asobnyja pasłuhi pa cenach (taryfach), jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
— Pakul abmiarkoŭvalisia pasłuhi pa apłacie ciapło- i hazazabieśpiačeńnia, ale dakładny śpis vyznačycca paźniej, — padkreślivaje deputat.
Pry hetym, kali kamisija vyrašyć, što čałaviek znachodzicca ŭ ciažkaj žyćciovaj situacyi, jon zmoža nie płacić pa «poŭnych» taryfach.
Ad «raźmierkavańnia» dla tych, chto vyjšaŭ z turmy, da padaražeńnia tavaraŭ: jakija jašče varyjanty razhladali, ale nie ŭklučyli ŭ prajekt
Dyrektar Instytuta ekanomiki NAN Biełarusi Valeryj Bielski raspaviadaŭ, što «u adpaviednaści z daručeńniami prezidenta jany razhledzieli mnostva stratehij, jakija dapamahli b papoŭnić fondy hramadskaha spažyvańnia».
— Naprykład, my prapanoŭvali źmianić strukturu padatkaabkładańnia, pavialičyŭšy dolu ŭskosnych padatkaŭ u farmiravańni biudžetu. Ale ŭ niejkaj častcy heta destruktyŭnaje rašeńnie: raźbirajemsia z adnoj prablemaj — atrymlivajem inšuju. Naprykład, była situacyja, kali našy hramadzianie, kuplajučy darahija tavary nakštałt aŭtamabilaŭ na terytoryi Rasii ci Kazachstana, istotna vyjhravali. Takim čynam, my mahli ŭzmacnić kankurentnyja pazicyi našych partnioraŭ i stvaryć situacyju, kali pa pakupki biełarusy jeździać u inšuju krainu. Heta značyć, my prapracoŭvali i takija varyjanty, choć, padkreślu, ličym ich nieabhruntavanymi, — udakładniŭ siońnia Valeryj Bielski.
Svaje prapanovy pa źmienach u dekret № 3 na razhlad rabočaj hrupy pry ŭradzie nakiroŭvała i staličnaja słužba zaniataści: pašyryć śpis tych, kamu nie treba płacić zbor, uvieści prefierencyi dla tych, chto vyrašyŭ adkryć ułasnuju spravu, i ŭvieści abaviazkovaje pracaŭładkavańnie asob, vyzvalenych ź miescaŭ pazbaŭleńnia voli.
— Dla hetaha treba ŭnieści źmieny ŭ kryminalnaje zakanadaŭstva, kab asoby, jakija prybyvajuć ź miescaŭ pazbaŭleńnia voli, lačebna-prafiłaktyčnych ustanoŭ, byli abaviazanyja pracaŭładkavacca i, naprykład, 2 hady adpracavać na adnym miescy. Mahčyma, što za 2 hady jon resacyjalizujecca i adaptujecca ŭ pracoŭnym kalektyvie, — kazała staršynia kamiteta pa pracy, zaniataści i sacabaronie Minharvykankama Žanna Ramanovič.
Ale ŭ vyniku, adznačaje Bielski, vypracavanaje kampramisnaje rašeńnie, nacelenaje ŭ pieršuju čarhu na pradastaŭleńnie mahčymaści hramadzianam zarabić sabie na žyćcio, a praz heta zabiaśpiečyć papaŭnieńnie biudžetu.
— Našy prapanovy byli nakiravanyja na likvidacyju supiarečnaściaŭ dziejučaha akta. Ale prapanovy, jakija ciapier razhladajucca i, vidavočna, stanuć asnovaj dla pryniaćcia novaha rašeńnia, źjaŭlajucca bolš kardynalnymi. Novy dakumient utrymlivaje inšuju kancepcyju, nakiravanuju na raźvićcio zaniataści. Hramadzianie, jakija nie ŭdzielničajuć u finansavańni dziaržvydatkaŭ, mohuć apłačvać asobnyja vidy vydatkaŭ pa poŭnym košcie. Taksama budzie naładžany ŭlik, bolš poŭny i abjektyŭny, tych asob, jakija svaim pracoŭnym udziełam nie zabiaśpiečvajuć papaŭnieńnie biudžetu abo nie ažyćciaŭlajuć inšuju sacyjalna karysnuju dziejnaść, — raspavioŭ dyrektar Instytuta ekanomiki.
