Reuters.com
Karol Ispanii Filip VI nie pryznaŭ praviadzieńnie refierendumu ab statusie Katałonii, paviedamlaje El Pais. Pra heta jon skazaŭ u televizijnym vystupie praz dva dni paśla hałasavańnia na terytoryi aŭtanomii.
Pavodle jaho słoŭ, ženieralitat (urad) Katałonii pravodziŭ refierendum niezakonna i svaimi dziejańniami jany parušyli demakratyčnyja pryncypy z metaj «razburyć adzinstva Ispanii».
«Jany pryniali rašeńni, jakija sistematyčna parušali praviły, vykazvajučy pahardu da ŭładaŭ krainy, jakich jany pradstaŭlajuć u Katałonii», — padkreśliŭ karol.
Filip VI dadaŭ, što ŭłady aŭtanomii parušyli i kanstytucyju Ispanii, i zakon ab aŭtanomii Katałonii.
0
0
0
0
0
0
