Žančyna za rulom mikraaŭtobusa viartałasia ŭ Homiel. U mašynie znachodzilisia miachi z bulbaj, jakaja była nabytaja ŭ Rečyckim rajonie i pryznačałasia dla prodažu na kirmašy ŭ Homieli.
Adnak u aŭto łopnuła koła. Papiaredniaja viersija — pierahruz. Mašyna źjechała ŭ kiuviet i pierakuliłasia, paviedamlaje miascovy partał progomel.by.
Na ščaście, kiroŭca z pasažyram nie paciarpieli. Praŭda, žančynu za styrnom trochi prycisnuła bulbaj i častkaj kuzava, ale joj dapamahli vyzvalicca kiroŭcy, jakija zaŭvažyli DTZ i spynilisia.
