Kormaŭboračny kambajn najechaŭ na piensijaniera ŭ Ivacevickim rajonie, paviedamiŭ BIEŁTA aficyjny pradstaŭnik UUS Bresckaha abłvykankama Siarhiej Dučenka.
Niaščasny vypadak adbyŭsia 5 kastryčnika kala 15 hadzin na sielskahaspadarčym poli pablizu vioski Damanava. Padčas uborki kukuruzy pad žniajarku kormaŭboračnaha kompleksu KVK-800 trapiŭ miascovy žychar 1931 hoda naradžeńnia. Ź ciažkimi traŭmami mužčynu dastavili ŭ Ivacevickuju centralnuju rajonnuju balnicu, dzie ŭ noč na 6 kastryčnika jon pamior ad atrymanych cialesnych paškodžańniaŭ.
Sa słoŭ adnaviaskoŭcaŭ, piensijanier paśviŭ koz pablizu kambajna. Kab žyvioły nie patrapili techniku, jon pasprabavaŭ adahnać ich z pola, ale sam staŭ achviaraj.
Pa dadzienym fakcie ŭ dačynieńni da 54-hadovaha miechanizatara, jaki kiravaŭ kambajnam, raspačataja kryminalnaja sprava pa č. 2 art. 317 KK.
