Budučyja abituryjenty atrymajuć mahčymaść prajści biaspłatna adzin z etapaŭ repietycyjnaha testavańnia ŭ 2018 hodzie. Takoje rašeńnie pryniaŭ vice-premjer Biełarusi Vasil Žarko, paviedamlaje sajt urada.

Vasil Žarko sustreŭsia z kiraŭnikami rabočych hrup pa analizie zadańniaŭ centralizavanaha testavańnia na adpaviednaść školnym prahramam. U skład hrup uvajšli viadučyja i najbolš daśviedčanyja piedahohi, paviedamlaje pres-słužba Saŭmina.

U chodzie sustrečy vyznačanyja terminy praviadzieńnia analizu zadańniaŭ centralizavanaha testavańnia, a taksama miechanizm uniasieńnia źmianieńniaŭ u zadańni centralizavanaha testavańnia pa vynikach analizu pracoŭnych hrup.

Pa vynikach sustrečy vice-premjer pryniaŭ rašeńnie dać mahčymaść budučym abituryjentam prajści biaspłatna adzin z etapaŭ repietycyjnaha testavańnia ŭ 2018 hodzie. Ciapier košt udziełu ŭ RT składaje 7 rubloŭ za adzin pradmiet.

Клас
Панылы сорам
Ха-ха
Ого
Сумна
Абуральна