Siamirazovy čempijon «Formuły-1» Michael Šumachier u apošnija dni adčuŭ siabie horš i znoŭ zapaŭ u komu. Na praciahu 24 hadzin jon padklučany da aparata štučnaha dychańnia i mocna schudnieŭ, pieradajuć infarmacyjnyja ahienctvy.

Siamja Šumachiera praktyčna aharadziła Michaela ad uvahi presy, adnak pavodle niekatoraj infarmacyi jamu stała horš. Pavodle paviedamleńniaŭ členaŭ siamji, «jon z apošnich sił zmahajecca za žyćcio». Šumachier staŭ mienšy rostam (160 sm suprać 174 da traŭmy) i schudnieŭ amal na 20 kh. La jaho łožka kruhłasutačna dziažurać lekary.

U ciapierašni čas 48-hadovy honščyk znachodzicca ŭ Šviejcaryi. Siudy jaho siamja pierajechała ŭ 2014 hodzie, spadziejučysia na chutkaje adnaŭleńnie aŭtahonščyka. U apošni čas jany zahavaryli ab pierajeździe ŭ ZŠA, dzie dałaski lekar Mark Uiks abiacaje zrabić usio mahčymaje dla spartsmiena.

Nahadajem, Michael Šumachier atrymaŭ surjoznuju traŭmu hałavy 29 śniežnia 2013 hoda ŭ francuzskich Alpach. Jon vyjechaŭ za miežy trasy i kala 20 mietraŭ imčaŭsia pa niepadrychtavanym schile. Spatyknuŭšysia ab kamień, jon upaŭ i stuknuŭsia hałavoj ab skału. Paśla špitalizacyi jaho ŭviali ŭ štučnuju komu.

9 vieraśnia 2014 hoda Šumachiera viarnuli dadomu, i jon doŭhi čas znachodziŭsia ŭ vielmi ciažkim stanie.

***

Na telehram-kanał «Našaj Nivy» možna padpisacca tut.

Клас
Панылы сорам
Ха-ха
Ого
Сумна
Абуральна